Олоҥхо сылын көрсө.

   Нам улууһугар Олоҥхо сылыгар анаммыт “Олоҥхо алгыстаах түһүлгэтэ” диэн ааттаах лиссиэй иһинэн декада буолла. Нам улууһун олоҥхоһуттарын үөрэнээччилэргэ билиһиннэрэр сыаллаах “Аман өс” күрэх, Намнар төрүттэрэ буолбут Мымах кинээһи, Саха сирин былыргы историятын  биллэрэр сыаллаах Өй оонньуута, “Олоҥхо ойуулуур-дьүһүннүүр күүһэ” уруһуй, оҥоһук  күрэҕэ уонна кылаастарынан олоҥхону туруоруу, олоҥхо тиэмэтигэр өйтөн суруйуу күрэхтэрэ ыытылыннылар. Кылаастар салайааччыларын, төрөппүттэрин кытары олус кыһаллан бэлэмнэнэн кытыннылар.

“Аман өс” тыл этээччилэр күрэхтэригэр алын кылаастан кыайыылаах 2-с кылаас үөрэнээччитэ Мосвитина Сайаана, иккис миэстэ 3-с кылаастан Кутукова Алина, үһүс миэстэ 1-гы кылаас үөрнээччитэ Слепцова  Айгылаана, 4-с кылаас үөрэнээччитэ Николаева Нарыйаана “Олоҥхоҕо бастакы хардыы” анал аат буоллулар. Киһи кэрэхсиирэ Алиналаах Айгылаана олоҥхону толороллор эбит. Айгылаана удууска, республикаҕа олоҥхону толорон ситиһиилэрдээх. Олоҥхоттон абааһы, бухатыыр, сорук-боллур тойуктарын иҥнибэккэ, истээччилэр  көрдөспүттэригэр толорон истэ.

Орто уонна улахан бөлөхтөргө кыайыылаахтар Дьяконова Юрианна (5 кыл) Протопопов Миша (10 кыл), иккис миэстэҕэ Колесов Ваня (5а кыл), Попов Альберт (10 кыл), үһүс миэстэ  Мокрощупова Настя (7кыл), Сивцева Анжелика (8 кыл). Дьячковскай Сережа (5а кыл), Алексеев Роберт (8 кыл)  анал  ааты ыллылар. Кыттыбыт оҕолор Нам улууһуттан төрүттээх олоҥхоһуттар тустарынан билиилээх, өйдөбүллээх хааллылар.

Өй күрэҕэр улахан бөлөххө онустар кимиэхэ да иннилэрин биэрбэтилэр. Орто бөлөххө барыта уолаттардаах 5а кылаас хамаандата кыайан үөрдэ-көттө. Өй күрэҕэ оҕолор Сахабыт сирин историятын билэллэригэр олук буолла.

Шелковникова А.Н.