Циркаҕа

   Мин аатым Петров Алеша. Нам улууһун Хамаҕатта саха-француз лицейгэ 3 кылааска үөрэнэбин. Иккис чиэппэри наар туйгун сыанаҕа түмүктээтим. Үөрэхпэр олус кыһаллыбытым, онон түмүгү истэн олус үөрбүтүм.

Саҥа дьыллааҕы уһун өрөбүлгэ (тохсунньу 3 күнүгэр) Дьокуускай куоракка балтыбынаан бессейҥҥа уонна Саха циркаҕа сылдьыбыппыт. Саха циркаҕа биһиги балтыбынаан бастакыбытын сырыттыбыт,  наһаа элбэх киһи, оҕолор бааллар этэ. Цирка олус киэҥ, үчүгэй эбит.

Икки чаастаах Саҥа дьыллааҕы «Снежная королева» диэн остуоруйа туоруорууну көрдүбүт. Бу көрдөрүүгэ ыттар, аттар, попугайдар, эриэн үөннэр, эбисийээнэлэр, пираттар уонна араас мультиктар дьоруойдара бааллар этэ. Өссө манна дьиҥнээх табалары көрдүбүт.

Циркачтар кыыллары кытта араас  үчүгэй нүөмэрдэри  толорбуттара.  Акробаттар быаҕа кутталлаах трюктары көрдөрбүттэрэ. Көрөөччүлэр бары да астыннылар, үөрдүлэр быһылаах. Мин балтыбынаан цирканы олус сөбүлээтибит, эһиил эмиэ барыахпыт.

 

                                                                                                      Петров Алеша, III кылаас үөрэнээччитэ, Хамаҕатта саха-француз лицей.