Кыһыҥҥы каникулбар

    Мин аатым Решетников Андриан диэн. Хамаҕатта саха-француз лицейин 3 кылааһыгар үөрэнэбин. Учууталым аата Матрена Васильевна. Оскуолаҕа үөрэнэрбин олус сөбүлүүбүн, уруокка болҕойон истэбин, дьиэм үлэтин кичэйэн толоробун. Быйыл Саҥа дьылы көрсө аан бастакыбын туйгун үөрэнээччи буолан олус үөрдүм, эбээбин, дьоммун үөртүм.

     Кыһыҥҥы каникулбар Дьокуускай куоракка сырыттым. Онтон Горнай улууһугар баран күүлэйдээн, сынньанан кэллим. Дьокуускай куораттан өр айаннаан тиийбиппит. Бу олус улахан, киэҥ сир эбит. Атына диэн дьиэлэрин оһох оттон ититэллэр эбит. Мин санаабар, ол иһин дьиэлэрэ сөрүүн соҕус эбит. Мас чууркалары хайытан бэлэмнээн элбэхтик  оттоллор эбит. Аҕам мас хайытарын көрөн мин эмиэ хайытан көрдүм. Бастаан нэһиилэ биир чуурканы, онтон син албаһын билэн, хаһы да хайыттым. Ити курдук аҕабынаан син элбэх маһы хайыттыбыт. Мин олорор сирбэр Хамаҕаттаҕа газ буолан оһох оттор, мас хайытар диэни билбэт эбиппит.

 

    Ити курдук, элбэҕи билэн-көрөн, дьоммор көмөлөһөн каникулбун туһалаахтык атаардым.