Биһиги дьиэ кэргэн ытык мала

   Мин аатым Индеев Айсен, Хамаҕатта саха-француз  лицей 3 кылааһыгар үөрэнэбин.

Индеевтар дьиэ-кэргэн хос эбээбит Индеева Варвара Николаевна этэ. Эһээбит Иван Афанасьевич ийэтэ. Эһээбит “Комсомольскай” совхозка экономистаабыта.

Эбээбит Надежда Владимировна дьиэтигэр ордук астынар, киэн туттар миэстэбит – бу дьиэтээҕи библиотека буолар. Манна олус элбэх, уруккуттан мунньуллубут араас кинигэ баар. Бука бары ааҕарбытын сөбүлүүбүт.

Биһиги дьиэ кэргэн урукку өбүгэлэрбит малларын уура-көрө сылдьабыт. Холобура, туос иһит. Бу - хос эбээбититтэн Варвара Николаевнаттан хаалбыт улахан туос ыаҕас. Ыаҕас сааһа 120-чэ сыл. Саар ыаҕас хос эбээ ийэтиттэн хаалбыт. Ким оҥорбута биллибэт. Ыаҕас 32 см үрдүктээх, 29 см кэтиттээх. Бэйэтэ сырдык туостан оҥоһуллубут, үөһээ өттүнэн 2-аҥаар см. талах иилээх, онтуката иҥиир сабынан оһуордуу тигиилээх. Түгэҕэ хос-хос тигиллибит буолан тэстибэт. Былыр арыы, отон, үүт хаһааналлар эбит. Уонна хос эбээ Варвара Николаевна  отоннообут ыаҕыйата баар.

Улахан саар ыаҕаһы харыстыыбыт, туттубаппыт сааһа ырааппыта бэрт. Олус бөҕө гына оҥоһуллубут, билигин даҕаны өбүгэлэрбитин кытта сибээстиир мал буолан турар.

 

Суруйда Индеев Айсен,  3 кылаас. 09.01.19