Орто дойду зоопарката

Күһүөрү сайын дьоммун кытта Хаҥалас улууһугар баар «Орто дойду» зоопаркатын баран көрбүппүт. Онно үксэ Саха сиригэр баар уонна атын дойдулартан аҕалбыт кыыллара бааллар. Хас биирдии кыылы үчүгэйдик сирийэн көрөммүт хойукка дылы сылдьыбыппыт. Саамай сөбүлээн овцебыгы, табалары, эһэлэри, үрүҥ эһэни, куобахтары көрбүтүм. Хотойу көрүөхпүн баҕарбытым даҕаны, мин диэки олох эргийбэтэҕэ, кехсунэн олорор этэ. Кэнниттэн да көрдөххө аарыма көтөр, көтөрдөр  ыраахтааҕылара дииллэрэ чахчы эбит. Биир улахан эһэ наһаа үчүгэйдик үҥкүүлүүрэ, куобахтар төкүнүктүү мээчик курдук сырсаллара, үрүҥ, эһэ  ууга оонньуура, часкыйа-часкыйа кабан сүүрэрэ, табалар киһиэхэ сүүрэн кэлэн имэрийтэрэллэрэ остуоруйа кэпсээнин курдуга. Террариумҥа баар кыыллары көрүөхпүн  баҕарбытым  даҕаны, хомойуох иһин хатааһыннаах турар этэ.

Зоопарка олус киэҥ, ортотугар араас элбэх кустар, хаастар, кубалар киһиттэн куттаммакка аргыый ууга усталлар.

Кинигэҕэ, киинэҕэ, хартыыналарга көрбүт кыылларбын дьиҥнээхтии , илэ бэйэлэрин көрөн олус астыммытым. Кэлэр сылга эмиэ хайаан да баран көрүөхпүт диэммит астынан, үөрэн-көтөн дьиэбитигэр төннүбүппүт.

 

Румянцева Дайаана. 3 кылаас ХСФЛ