Өбүгэ оонньуулара

   Тохсунньу ый 17 күнүгэр лиссиэйбитигэр "Өбүгэ оонньулара"  буолан аастылар. Маннай кылаастар икки ардыларыгар викторина буолла, онтон Олег Николаевич сэрэхтээх буолуу туһунан иһитиннэриини онордо, ол кэннэ фестивальбыт үөрүүлээхтик аһылынна.

 

Фестиваль алта көрүннэ, үс күнү быһа ыытылынна. Бу күннэр усталарыгар олус элбэх сыра-сылба баранна, тынааһыннаах киирсиилэр аастылар. Уопсай түмүгүнэн улахан бөлөххө 10б кылаас, орто бөлөххө 7 кылаас коллективтара кыайыыны ыллылар. Биирдиилээн көруннэ Айсиэн Жирков, Постников Никита, Максим Назаров чаҕылхайдык кытыннылар. 

“Өбүгэ оонньуута” иккис күнэ.

“Өбүгэ оонньуута” иккис күнэ саҕаланна. Дьэ эрэ, бүгүҥҥү күн саҥа дьоруойдара кимнээх буолуохтарай? Күрэхтэһии “Эрчим” спорт туонатыгар буолуоҕа. Маҥнай уолаттар“Үс төгүл үс” күрэххэ күөн көрсүөхтэрэ. Күрэхтэһээччилэр бары настройкалана, бэлэмнэнэ сылдьаллар. Бу күрэххэ атаххар сымса, күүстээх буолуохха наада. Ыалдьааччы кыргыттар, учууталлар ыһыы-хаһыы бөҕөтө тартылар. Түмүккэ, орто сүһүөххэ Егоров Вася бастаата, Яковлев Ариан иккис, 3 миэстэни Назаров Максим ылан, күрэх дьоруойдара буоллулар, онтон улахан сүһүөххэ Постников Никита кыайда, 2 миэстэ Сивцев Алеша, 3  миэстэни Попов Максим ылла.

Бүгүҥҥү күрэҕи нэһилиэк ветеран спортсменнара Ульяна Семеновна, Гаврил Гаврильевич Даниловтар көрө кэлэн олороллор. Күрэх туһунан туох санааҕа кэлбиттэрин ыйыталаспыппар “Кыра кылаастар улаханнык сатаабат көрүҥнэрэ эбит, оттон улахаттар балайда үөрүйэхтээхтэрэ көстөр. Буолумуна даҕаны, эчи физкультура да учуутала элбэҕэ”.

Иккис күөн көрсүү “Хапсаҕай”.Хапсаҕай - саха норуотун аан дойдуга биллэрбит спорт көрүҥэ. Ол иһин бу көрүҥү уол барыта сатыыр, сөбүлүүр. Биһиэхэ тустуук да, хапсаҕайдьыт да оҕо элбэх. Бу көрүҥ үгүс кыттааччыны, көрөөччүнү муста. Балаһыанньа ыарахан, саамай күүстээх, быһый уонна тактилаах кыайар! Орто сүһүөхтэн 8 бөҕөс кыттаары бэлэмнэнэр. Саала иһэ толору киһи, ол иһигэр мин “Репортер” түмсүү эдкора көрө, ыалдьа олоробун. Хапсаҕай күрэҕи Чичигинаров Остап уонна Дмитриев Володя саҕалаатылар, дьыала ыарахан аҥардас уҥуоҕа улаханынан да утарсааччытын салыннарар. Биир, иккии, үүс Остап кыайда! Кып-кыра Володяны биирдэ ыыратан кэбистэ. Ити курдук күөн көрсүү  түмүгүнэн орто сүһүөххэ кыайыылаахЧичигираров Остап, 2 миэстэни Захаров Ньургун, 3 миэстэни Назаров Максим ыллылар. Ордук киирсиилээх улахан бөлөхтөргө буолла. Бары даҕаны тэҥ соҕустар, ким да кыайтарыан баҕарбат! Киирсии күүстээх! Түмүккэ Жирков Айсиэн утарсааччыларыгар иннин биэрбэккэ кыайыылаах аатын ылла, 2 миэстэ Постников Никита, 3 миэстэ Протопопов Миша.

Күрэҕи көрдө Данилова Адриана,

 

“Репортер” түмсүү.